נייעס און באריכטן פון די קעטסקילס

די אשכול ווערט געגרינדעט לעילו נשמת אממ... כמיין צו באריכטן נייעס און קרישקעלעך פון די זומער אין די קעטסקילס.

לאמיר האפן אז עס וועט זיין פול מיט פרייליכע און גינסטיגע נייעס.

א קאר האט זיך נעכטן איבערגעדרייט אין סוואן לעיק ביי Old white lake trpk & Fulton Rd, קיינער איז ב"ה נישט ערענסט געשעדיגט געווארן.

א פיר יעריג קינד איז נעכטן אריינגעפאלן אין א שווים באסיין אינעם "קעי עס עם" באנגעלא קאלאני אין סוואן לעיק, הצלה וואס איז אנגעקומען אין איילעניש צום צענע האבן געארבייט איבערמידליך צו ראטעווען דאס קינד און נאך 30 מינוט ארבייטן האט מען באקומען א פולס, דאס קינד איז געווארן טראנספארטירט אויף לייפנעט-75 טשאפער צום שפיטאל וואו ער האט זיך געפונען א לענגערע צייט אין א קריטישן באוואוסטלאזן צושטאנד ווען כלל ישראל פון איבער די וועלט האט איינגעריסן לרפאות שמעון בן לאה מלכה אסתר.
ליידער האט מען היינט אינדערפרי געהערט די ביטערע בשורה אז כבר נגזרה גזירה און דאס קינד הילד שמעון ע"ה בן אביעזר ווייס (ב"פ) האט אויסגעהויכט זיין ריינע נשמה לדאבון לב כל בית ישראל.

די לויה וועט פארקומען היינט 2:30 נאכמיטאג פארנט פון ביהמ״ד טשערנאבל אין בארא פארק, ביי די 12׳טע עוועניו און 41׳סטע סטריט.

שנשמע ונתבשר בשורות טובות.

בד"ה

א חסיד'ישע מיידל דעיקעמפ פארברענגט געשמאק אין זייער סקרינד קלאס רום צווישן די ביימער ביים עק פון די קעמפ שעפנדיג פרישע לופט אין די קלארע קעטסקיל בערג, ווען דאן! א שווארץ קאלירטע באשעפעניש הנקרא בלשון הפסוק 'דוב' שפאנצירט זיך געמיטליך אין ריכטונג פון די אינגע מיידעלעך, ספאנטאן האט אויסגעבראכן יאמערליכע געשרייען פון די לערערינס און קווישטעדיגע קולות פון די קינדערלעך וואס זענען אריינגעפאלן אין א שרעקליכע פאניק א בער! האט זיך געהערט באנומענע קולות, דער גאסט זעהנדיג אז ער איז נישט וועלקאם דא איז ער זיך געגנגען למנוחות ואותם עזב לאנחות מיט טראמאטירטע קינדערלעך אונטער זיך.

קעטסקילס – צוויי באזונדערע שרעקעדיגע אינצידענטן האבן נעכטן פאסירט אינעם קעטסקילס ראיאן מיט פארלוירענע. די ערשטע אינצידענט האט פאסירט ווען א קליין קינד איז פארשוואונדן געווארן אין א באנגעלא קאלאני אין לעיק פארעסט. א מאסיווע זוך אקציע איז אונטערגענומען געווארן און נאך א קורצע צייט האט זיך ארויסגעשטעלט אז דאס קינד איז פשוט איינגעשלאפן אויף די טאראסע פון א באנגעלא. די צווייטע אינצידענט האט פאסירט ווען א פאמיליע איז פארלוירן געגאנגען אינעם "מינאוואסקא סטעיט פארק", ווען זיי האבן נישט געטראפן דעם וועג ארויס. זיי זענען אפגעפונען געווארן אין א גוטן צושטאנד.

ב"ה אז ביידע שרעקעדיגע אינצידענטן האבן זיך גוט געענדיגט

א בחור׳ל מיט ספעציעלע געברויכן וועלכער איז פארשוואונדן געווארן מאנטאג 8 אזייגער אווענט אין ראונד-טאפ, איז אפגעפונען געווארן נעכטן פארמיטאג אין א וואלד נעבן דעם קעמפ. דער בחור׳ל איז איינגעשלאפן אונטער א בוים ווען עס איז געווארן טונקל נעכטן נאכט, און ער געפונט זיך ב״ה אין א גוטן צושטאנד.

מאנטיסעלא – א שרעקעדיגע אינצידענט האט נעכטן פאסירט ווען א קאר האט אריינגעקראכט אין א באנגעלא אין די ״כל טוב״ באנגעלא קאלאני אין מאנטיסעלא, דורכרייסנדיג די וואנט פונעם באנגעלא און אנקומענדיג ביז אינעווייניג. בחסדי ה׳ איז קיינער נישט ערנסט פארוואונדעט געווארן. 2 זענען אריינגעפירט געווארן אין שפיטאל מיט לייכטע וואונדן.

אוטש

גוט צו זען אמאל ווי שטארק די באנגעלויס זענען

א נס אז עס איז געבליבן שטיין...

די קאר איז ארויס גאנץ?

די קאר איז געשעדיגט געווארן אבער נישט 'totaled'.

א מאמע בער מיט דריי קינדערלעך זענען געזעהן געווארן תשעה באב אין א באנגעלא קאלאני אין סוואן לעיק וואס האט פאראורזאכט א שרעקליכע פאניק בלשון נקיבה מיט הילכיגע געשרייערייען וואס האט באלד נאכגעפאלגט, אלע קינדער זענען גלייך אריין געלייגט געווארן אין הויז ארעסט אן פעראל.

אן פעראל?
דאס מיינט אז זיי זענען נאך אלס איינגעשפארט?

דארף מען מאכן א פדיון שבוים אקציע

ניין, אן "פעיראל", ס'איז א "סיק דעי".

Liberty - FD was on scene Monday afternoon at at the Beaumont Estates on the Route 52 of a 2nd alarm fire

The fire started in the kitchen of the 1 story private dwelling.
Numerous mutual aid fire companies were requested to assist in battling the blaze.

EMS transported one burn victim with serious injuries to a area hospital.



m http://www.nybuff.net/2016/08/3rd-alarm ... es-in.html m

א קאר איז געווען געשטראנדעט אין א דיטש פאר א שטיק צייט אין די פארקינג לאט פון לפידות, אפאר אינגעלייט האבן עס צוזאמען ארויסגעשלעפט.
שנשמע ונתבשר בשורות טובות.

א בילד ביטע

נישט באקומען קיין בילד בלויז די נייעס.

ביסטו פטור

Reports of 2 bucherim missing in bear mountain area. 2 16-year old Bucherim from Stolin camp. Park rangers are conducting the search themselves, not allowing others to join.

ברעיקינג: מ'האט זיי געטראפן אין א גוטע צושטאנד

ב"ה! ש'כח פאר די גינסטיגע נייעס.

פון JP

מיט פארלייכטערונג האט כלל ישראל אפגעאטעמט נאכדעם וואס עס זענען אפגעפונען געווארן צוויי בחורים פון קארלינער זומער קעפ אין די קעטסקילס. די צוויי בחורים פון קעמפ קארלין-סטאלין זענען פארלוירן געגאנגען נעכטן ביי א שפאציר אין ״בעיר מאונטעינס״. באלד אינדערפרי ווי נאר עס איז געווארן ליכטיג, האבן זיך מאסן וואלונטירן ארויסגעלאזט אין די וועלדער פון בעיר מאונטעינס צו זוכן די פארלוירענע בחורים, און די משפחה און גוטע פריינט זענען געווען גאר שטאק אנגעצויגן און עס האט געהערשט א זארג אויף זייער וואוילזיין. פילע ואולונטירן אינאיינעם מיט חברים און הצלה האבן מיטגעארבעט מיט די באאמטע, און מען האט זיך באנוצט אויך מיט דראונס פון די לופט, און ברוך השם אז ארום 9 אזייגער אינדערפרי האט מען זיי אפגעפונען אין א גוטן צושטאנד.

חברה הצלה ד'קעטסקילס זענען גערופן געווארן צו א שווערע פאל אין די קעטסקילס ווי א קינד איז געפאלן פון 40 הויעך (ארום 4 שטאק) אין Minnewaska State Park אין עלענוויל נוא יארק.

דאס קינד איז אפגעפירט געווארן צום וועסטשעסטער שפיטאל אין א שווערע צושטאנד.

די נאמען פונעם קינד מתפלל צו זיין איז:
יושע בן אלטא חי' דבורה